whatsapp
message
أعراض الفيروس الكبدي أ

أعراض الفيروس الكبدي أ وعلاجه

التهابات الكبد الوبائية هي من أكتر الأمراض اللي انتشرت في أماكن كتير ومنها مصر في الفترة الأخيرة، ومازال منتشر بين كتير من الناس حتى الآن، وفكرة وقف انتشاره نهائيًا صعبة جداً، وده لأن نقل عدوى الفيروسات الكبدية بتحصل لأسباب كتير، ومع ده انت تقدر دايماً تحمي نفسك وأسرتك من خطر الإصابة بعدوى التهاب الكبد الفيروسية، وفي المقال ده هنعرف أكتر عن واحد من أهم فيروسات الكبد وهو فيروس A، أعراضه وعلاجه، وطلاريقة انتقال العدوى عشان نتجنبها.

إيه هو فيروس A؟

النوع ده من الفيروسات الكبدية يعتبر أقلهم حدة وخطورة، لكن مشكلته في إنه معدي جداً وبيتنقل بسهولة، لأن طريقة نقل العدوى فيه بتكون من خلل الأكل والشرب الملوثين، وأعراضه بتختلف من حالة للتانية، في بعض الحالات بيكون التعب شديد جداً وساعات الموضوع بيكون بسيط ومحتمل، وفي كل الحالات المرضى بيتحسنوا مع العلاج وفي كتير من الأوقات المرض بيختفي لوحده من غير أي علاج.

أعراض فيروس A

الأعراض بتختلف جداً من شخص للتاني في حالات بتصاب بعدوى فيروس A من غير ما تحس بأي أعراض وحالات تانية بتكون عندها أعراض خفيفة، وفي مرضى بيعانوا من أعراض شديدة جداً، ومن أعراض الفيروس الكبدي A:

  1. الإحساس بالإعياء.
  2. معاناة المريض من ألم البطن.
  3. إصفرار العين والجلد عند المريض.
  4. زيادة الحرارة.
  5. ممكن المريض يعاني من الترجيع.
  6. فقدان الشهية و عدم الرغبة في الأكل.
  7. ممكن المريض بإسهال.
  8. حكة الجلد المتكررة.
  9. غمقان البول عند المريض بشكل غير معتاد.
  10. الإحساس بآلام في المفاصل.
  11. اضطرابات الهضم.

عادةً الأعراض دي بتستمر لمدة شهرين عند المريض لكن بيكون في إحتمال إنها تظهر تاني خلال أول 6 شهور.

ومن علامات الشفاء من التهاب الكبد الوبائي أ إن المريض يبطل يعاني من كل الأعراض المذكورة في الفقرة اللي فاتت، وفي باقي المقال هنعرف أكتر عن الحاجات اللي ممكن تساعده في التحسن و علامات الشفاء من فيروس a .

هل فيروس A معدي؟

الحقيقة إن لو حد مصاب بفيروس A ممكن يتسبب في نقل العدوى لأكتر من شخص قبل ظهور الأعراض عليه بأسبوعين وخلال أول أسبوع بعد الإصابة وحتى لو المريض كان حاسس إنه كويس برضو بيكون في خطورة إنه يعدي أي حد، عشان كده لازم تستشير دكتورك عن إيه هي أحسن الطرق للتقليل من احتمالية العدوى، ولأن المرض ده شديد العدوى زي ما قلنا قبل كده ففي تعليمات ممكن تساعدك في إنك تحمي اللي حواليك منه:

  1. ضروري إنك تنضف إيدك كويس جداً بعد استخدام الحمام أو تغییر الحفاضات.
  2. متعملش الأكل بنفسك لأي حد تاني.
  3. لازم تتجنب الانشطة الجنسية تماماً لأن العدوى ممكن تتنقل عن طريقها.

ومن الحاجات اللي ممكن تسبب عدوى فيروس الكبد A:

  1. لوشخص عنده فيروس A وحضرلك أي نوع من أنواع الطعام ممكن ينقلك العدوى.
  2. أكلك لتلج ملوث ممكن يصيبك بفيروس A.
  3. لمسك لأي جسم ملوث وبعده تلمس فمك.
  4. أكل المحار ني وهو متاخد من المياة اللي بيعيش فيها الفيروس.
  5. ممارستك للجنس مع شخص مصاب بفيروس A.

علاج فيروس A

للأسف مفيش دواء معين مصنف كعلاج لفيروس A، لكن مع ذلك الأطباء بيشتغلوا على إنهم يعالجوا الأعراض لحد ما تختفي تماماً، وكمان بيكون من المهم إن دكتور يعرف من خلال بعض الفحوصات إذا كان الكبد عندك بيشتغل بالشكل الكافي اللي يخليه يتعافى.

ومع إن مفيش علاج معين لفيروس A لكن في حاجات ممكن المريض يعملها عشان يحس إن حالته أحسن، منها:

  1. حاول تخفف من أكلك لأنك لو بتعاني من الغثيان فده هيخليك مش قادر تاكل بالحالة الطبيعية بتاعتك، عشان كده ممكن تاكل وجبة خفيفة الصبح أحسن ليك من الوجات الدسمة، وعشان تتأكد إنك بتاخد كل الأكل اللي جسمك محتاجه ممكن تخلي وجباتك قايمة على الأكلات اللي فيها سعرات حرارية عالية وممكن كمان تزود من شربك للعصير خصوصاً لو بتعاني من الترجيع، لأن العصاير دي هتعوضك عن السوائل اللي بتفقدها.
  2. الكبد وقت إصابته بفيروس A بيكون ضعيف جداً ويتأثر من أقل حاجة فبالتالي شرب الكحول وتناول بعض الأدوية بيكون مضر له، عشان كده لازم المريض يتجنب شرب الكحول تماماً وكمان يستشير دكتوره في أي دواء قبل ما ياخده حتى لو كان الدواء ده مش محتاج لوصفة طبية.
  3. بما إن فيروس الكبد A هيحسسك دايماً بالتعب وفقدان النشاط، فحاول إنك ترتاح لمدة أطول ومتبذلش مجهود كبير عشان تتخطى الإرهاق ده.

بالرغم من إن فيروس A يعتبر أخف الفيروسات الكبدية لكن مع ذلك ممكن يسبب مضاعفات كتير للمريض زي التهاب الكبد المناعي الذاتي اللي بيخلي جسمك يهاجم الكبد لو متعالجش من الالتهاب أو التهاب الكبد الركودي اللي معناه انسداد الصفراء في الكبد، وفي حالات كبار السن ممكن يحصل انتكاس للكبد، وعشان تقدر تحافظ على نفسك من أي مضاعافات لازم تزور الطبيب بمجرد ما تحس بالأعراض وكمان تلتزم بالأدوية والتعليمات اللي هيديهالك.

المقالات المتعلقه

علاج تليف الكبد

هل يمكن علاج تليف الكبد؟

  • اقرأ المزيد
أفضل-الطعام-لمرضى-تليف-الكبد

ما أفضل الأطعمة التي يجب أن يتناولها مريض الكبد؟

  • اقرأ المزيد
فيروس الكبدي ب

أعراض فيروس الكبدي ب وعلاجه

  • اقرأ المزيد
أفضل أطباء لأمراض الجهاز الهضمي في الإسكندرية

أفضل الأطباء لأمراض الجهاز الهضمي في الإسكندرية

  • اقرأ المزيد

متى يظهر فيروس سي في التحاليل؟

  • اقرأ المزيد

اتصل بنا

التليفون :

16781

البريد الإلكترونى :

contactus@andalusiagroup.net