whatsapp
message

كلمات البحث

    تشخيص-سرطان-القولون

    5 طرق لشخيص سرطان القولون

    سرطان القولون زي أي نوع تاني من أنواع السرطان توقيت تشخيصه بيفرق كتير في علاجه، وكل ما بيتشخص بدري أو في مرحلة مبكرة بتكون نسبة الشفاء منه أعلى، وسرطان القولون له طرق التشخيص الخاصة به، وبمجرد ما تعدي سن الـ50 سنة لازم تهتم بعمل الفحوصات دي من وقت للتاني عشان تطمن على صحتك، لأن احتمالية الإصابة بسرطان القولون بتزيد مع تقدم العمر، ومش بس تشخيص سرطان القولون اللي بيتم بآشعات وتحاليل مختلفة، لأ كمان لتحديد مدى انتشار السرطان ومصدر نشأته وتحديد أحسن طريقة لعلاجه، وكل ده بيحتاج لفحوصات .كتير، والدكتور هو اللي بيحدد إيه أحسن طريقة ممكن المريض يتبعها لتشخيص حالته بدقة

    مراحل تشخيص سرطان القولون

    يمر تشخيص سرطان القولون بعدة مراحل منها:

    1. سؤال الطبيب للمريض عن تاريخه المرضي، ومدى انتشار أورام القولون بين أفراد الأسرة.
    2. الفحص الاكلينيكي للمريض:

     يفحص الدكتور منطقة البطن والحوض عند المريض للبحث عن أي تورم أو ظاهرة غير طبيعية، وكمان ممكن يقوم الطبيب باختبار فحص المستقيم DRE.

    1. تحاليل الدم لتوضيح:
    • عدد خلايا الدم الحمراء: ال بيقل نتيجة النزيف الشرجي ويبدأ المريض يعاني من الأنيميا.
    • انزيمات الكبد: لمعرفة إذا كان السرطان انتشر ووصل للكبد.
    • دلالات الأورام:  وأشهرهم تحليل المستضد السرطاني الجيني CEA اللي بتزيد نسبته في أورام القولون ولكنه اختبار غير دقيق، وبيحتاج للفحوصات أخرى علشان تأكد الإصابة.

    وسائل الفحص المختلفة مثل:

    هناك طرق مختلفة يحددها الطبيب المعالج لاختيار الطريقة المناسبة لتشخيص سرطان القولون، ومنها:

    • منظار القولون
    • الاشعة المقطعية
    • الرنين المغنطيسي
    • السونار
    • أخد عينة من الورم

    منظار القولون

    إجراء منظار القولون بيتم مع دكتور مناظير متخصص، واللي من خلاله الدكتور بيقدر يدخل بكاميرا جوا جسم المريض ويشوف القولون والمستقيم من جوا عشان يقدر يحدد إذا كان في ورم فعلاً ولا لأ، لكن الجزم بمدى انتشار السرطان ومكانه بالظبط، بيتم بعد استئصال الورم بالكامل عشان الدكتور يقدر يحدد ده بدقة.

    الأشعة المقطعية للقولون

    الأشعة المقطعية تعتبر من أحسن أنواع الأشعة لتشخيص أمراض كتير، الأشعة دي بتقوم بتصوير الجسم من الداخل بطريقة ثلاثية الأبعاد لتوضيح وجود أي ورم بصورة أدق، وممكن كمان لزيادة الدقة الأشعة دي تتعمل بصبغة خاصة، المريض بياخدها على شكل قرص دواء أو يتحقن بيها في الوريد أو ممكن كمان يبلع سائل الصبغة ده، ودي بتكون مهمة لتحديد حجم الورم ومدى انتشاره، وبالأشعة دي بنقدر نعرف كمان لو كان السرطان منتشر في الرئة أو الكبد أو أي عضو تاني في الجسم، والأشعة دي بتكون خطوة أساسية قبل عملية استئصال الورم.

    الرنين المغناطيسي للقولون

    النوع ده من الأشعة بيستخدم المجالات المغناطيسية لتصوير الجسم بطريقة واضحة وممكن كمان يستخدم فيه الصبغة لتوضيح الصورة أكتر، وده بيكون مهم لتحديد حجم الورم وكمان أشعة الرنين المغناطيسي بتكون الحل الأفضل لتحديد المكان اللي نشأ فيه الورم.

    السونار على القولون

    بيعتمد السونار على استخدام الموجات الصوتية داخل الجسم عشان تقدر تحدد حجم الورم، وبيساعد في وضع خطة علاج مناسبة. مع ذلك تعتبر الأشعة المقطعية والرنين المغناطيسي أدق في تحديد الانتشار عن الأشعة الفوق صوتية، لأنها مش بتوضح بدقة انتشار الورم خارج منطقة الحوض زي أنه يظهر في الغدد اللمفاوية أو الكبد..

    أخذ عينة من الورم بالقولون

    استئصال عينة من نسيج الورم وتحليلها في المعمل بيكون من أكتر الطرق اللي الأطباء بيفضلوها في التشخيص لان نتايجها بتكون دقيقة جداً، لكن في بعض الحالات الطريقة دي بتكون مش أحسن حل للمريض، وده بيتحدد على حسب حالته الصحية وساعتها الدكتور بيضطر يلجأ لطريقة تانية.

    وفي النهاية  تشخيص سرطان القولون المبكر بأي طريقة هو أحسن حل لعلاجه بسهولة،  فلو كان عندك تاريخ مرضي في الإصابة بأنواع سرطان تانية أو تاريخ عائلي لسرطان القولون، اهتم بالفحوصات الدورية للكشف عن سرطان القولون وخليك دايماً مطمن على صحتك. 

    تقدر من اللينك ده تحجز وتستشير أفضل أطباء الجراحة العامة في مستشفيات أندلسية بالقاهرة والإسكندرية عشان تشخص مرضك بطريقة دقيقة وتعرف الحل المناسب ليك..

    المقالات الأكثر مشاهدة

    المقالات المتعلقه

    اتصل بنا

    التليفون :

    16781

    البريد الإلكترونى :

    contactus@andalusiagroup.net